معا لغد افضل

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
معا لغد افضل

5 مشترك

    ثقافة الغلط

    • مساهمة رقم 1

    ثقافة الغلط Empty ثقافة الغلط

    مُساهمة من طرف marmar الأحد 17 أغسطس - 15:43

    [ندعوك للتسجيل في المنتدى أو التعريف بنفسك لمعاينة هذه الصورة]


    إذا دققت النظر ستجد دائماً لكل شعب .. ولكل بلد .. ولكل قرية .. ولكل شارع .. ولكل عائلة .. حتى لكل أسرة ..في كل مكان في العالم .. بعض الأفكار .. أو القناعات اللي بتنتشر فيها .. حتى تصبح قانون .. أو عُرف .. بغض النظر عن الدستور .. والحكومات .. والرؤساء .. والقوانين ..

    وأتحدث هنا عن بعض الثقافات اللي بتأثر في سلوكيات الناس .. فتجد مثلاً: شعب يعشق العمل زي اليابانيين .. وشعب أخر يعشق المتعة بكل صورها زي الأمريكان .. وشعب يعشق الكورة زي البرازليين

    واحنا هنا مش حنتكلم عن أي حد .. احنا حنتكلم عننا بس .. عن شعبنا .. عن دماغنا .. عننا احنا .. أنا وأنت .. وهو وهي!!

    طيب إيه المشكلة ؟؟ .. المشكلة: إن هناك بعض ثقافات خاطئة -الغلط يعني- انتشرت بيننا .. واحنا لعلنا موافقين عليها .. أو شايفنها صح .. أو مش شايفنها خالص .. ولا واخدين بالنا منها خالص .. وهية غلط!! .. ممكن تكون عيب .. أو حرام .. أو مش عيب ولا حرام .. لكنها م الآخر غلط ..

    وممكن تكون مجرد غلط بسيط .. ونشوفه ما يستهلش .. لكنه مهما كان يعتبر غلط .. وآثره علينا كبير .. وبيترتب عليه بعد كده بلاوي كتير

    عايزين تعرفوا كلامي صح ولا غلط؟؟ تعالوا ناخد بعض المشاهد .. وخليكوا معايا للآخر .. وابقوا قولوا لي رأيكم
    • الرجوع الى أعلى الصفحة
    • مساهمة رقم 2

    ثقافة الغلط Empty رد: ثقافة الغلط

    مُساهمة من طرف marmar الأحد 17 أغسطس - 15:44

    ثقافة الغلط .. في المرور

    في أي بلد محترم .. كل سائق وكل راكب .. لازم يحترم قوانين المرور .. حفاظاً على سلامته .. وسلامة الآخرين .. وأرواحهم .. وحفاظاً على النظام .. وحفاظاً على الوقت .. والهدوء .. لذلك فإن كثير من هذه البلاد فرضت عقوبات شديدة على من يخالف قوانين المرور .. ومنها بلاد عربية ومتخلفة زينا .. وذلك لأنهم يعرفوا مدى خطورة انتهاك قوانين المرور .. وعلى المقابل تجد الناس تلتزم .. لتكون الصورة في النهاية لبلد محترم شوارعه منظمة .. والمرور فيه هادئ ..

    لكن في مصر .. تشوف مشهد متكرر لـــ...:

    * واحد واقف في الشارع بيشاور لميكروباص .. فيقف السواق في وسط الشارع .. ويوّقف الشارع كله .. وطبعاً هو شايف -الراكب والسواق- ده شئ عادي لأنه هو المستفيد اللي حيفوز بمقعد في الميكروباص عشان يروح مشواره ، وطبعاً السواق فرحان بالربع جنيه أجرة الراكب .. في حين لو كانت سيارته اللي واقفة ومتعطلة وراء الميكروباص ده كان زمانه بيدعي على السواق -الــ......- اللي واقف في نص الشارع .. ومعطل الدنيا

    * واحد عنده عربية ملاكي .. ومستعجل جداً .. وأخد قرار يمشي عكس الاتجاه .. ده شئ يعتبر عادي جداً .. بل إنه يعتبر ذكاء وشطارة .. لكن لو حضرته .. ماشي بعربيته ولقى واحد ماشي مخالف .. يبقى ( بني آدم .... ومبيفهمش)

    * واحد عمال يلعب لعبة عسكر وحرامي على الكورنيش وبيجري م العربيات يمين وشمال .. ويتقدم خطوة .. ويرجع خطوة .. لحد ما يقدر يعدي الشارع .. وتجد على وجهه ابتسامة سعادة لأنه أنتصر وقدر يهرب م العربيات الشريرة .. في حين وجود في نفس المكان نفق لعبور المشاة .. لن يتعدي العبور من خلاله الدقائق المعدودة .. لكن الفهلوة والجدعنة تروح فين؟؟!!
    * واحد سواق يجزء المسافة .. والناس الغلابة لا حيلة لهم ..فمثلاً: المفروض إن المسافة تكون من محطة مصر لسيدي بشر والأجرة جنيه .. فتكون من المحطة لسيدي جابر .. ومن سيدي جابر لفيكتوريا .. ومن فيكتوريا لسيدي بشر .. والناس لا تستطيع إلا أن تدفع 3 أضعاف الأجرة وإلا فليبقوا متلقحين في الشوارع

    * أتوبيس نقل عام بيقف في محطات عادي جداً .. وبين المحطات بيفتح ع الرابع برضه عادي جداً .. لكن اللي مش عادي إنك تلاقي ناس بتنزل منه .. وناس بتجري جنبه وهوووووب تنط فيه .. وناس بتقع .. وناس متشعلقة ع الباب .. كل ده وهو مش واقف في محطته .. لأ ده وهو فاتح ع الرابع

    ملحوظة: فاكرين الكليب بتاع سامي يوسف اللي اسمه "حسبي ربي" كان بيصور أشهر المشاهد لكل بلد .. انجلترا وتركيا والهند ومصر .. فجاب إن أشهر مشهد في مصر وهو بيجري يلحق أتوبيس والأتوبيس ماشي ولما نزل من الأتوبيس نزل منه برضه وهو ماشي .. تفتكروا ده معناه إيه؟!!


    النتيجة: 8000 روح بشرية تزهق على الأسفلت كل عام .. تموت بسبب كل البلاوي دي .. نتيجة أخطاء السواقين أو المشاة .. فوضي في معظم شوارع مصر .. تعطيل للمصالح .. كثير من العراك والخناق .. فوضى بكل معنى الكلمة
    • الرجوع الى أعلى الصفحة
    • مساهمة رقم 3

    ثقافة الغلط Empty رد: ثقافة الغلط

    مُساهمة من طرف marmar الأحد 17 أغسطس - 15:45

    ثقافة الغلط .. في النظافة

    مشهد متكرر لــــ ..... :

    * واحد ربنا فتح عليه وكرمه من وسع وبياكل أي حاجة تيك أواي في الشارع .. طبعاً حياكل بالهنا والشفا .. ويخلص .. ويرمي والورقة .. فين؟؟ .. ها ... فين؟؟ .. في الشارع طبعاً ..

    * واحد ماما بعتته يرمي كيس الزبالة -لامؤاخذة- أو مراته حكمت عليه يرمي الزبالة .. ماشي .. كويس مش دي المشكلة .. تلاقي الأستاذ شايل كيس الزبالة .. وبيتلفت يمين وشمال زي الحرامي .. وأول ما يلاقي محدش باصص .. والجو أمان .. هوووب .. يرمي الكيس في أي جنب .. ويكمل مشي .. ويعمل عبده الأهبل .. وتلاقي في نفس المكان اللي رمى فيه الناس كاتبة له ع الحيطة "ممنوع إلقاء القمامة .. اللهم أقطع يد من يرمي الزبالة هنا"!!

    * واحد طلع محترم شوية وشال الكيس لحد صندوق أونيكس .. لكن لسه حيفتح صندوق الزبالة وإيده نضيفة .. ولسه غاسلها بالصابون أبو ريحة .. فيرمي الكيس جنب الصندوق .. وكده قشطة وعمل اللي عليه
    * واحد عنده دكان فراخ .. أو عصير قصب .. ويحتكر صندوق الزبالة بتاع الشارع جوة الدكان كأنه اشتراه بفلوسه .. ويصبح حق التخلص من الزبالة مقتصر عليه فقط
    * واحد بيحب واحدة .. واحدة بتحب واحد .. شلة بيحبوا بعض .. واحد ضحكت على واحد وخانته وسابته .. ذكريات عن أيام العذاب والزحف ع التراب .. قصص كتير .. حتلاقي أبطالها وأحداثها .. مكتوبة على الحيطان .. وكراسي الترام .. والبينشات في المدرجات .. وعلى سلالم الكلية .. وعلى القعدات اللي ع الكورنيش ..

    والنتيجة: بلد شوارعها قذرة .. الزبالة مرمية في كل حتة ماعدا صناديق الزبالة .. حشرات .. أكوام زبالة .. .. برغم إن في دول عربية زينا .. وشوارعها نضيفة .. والبلد نضيفة .. لأنهم بيفرضوا غرامة على اللي يرمي ورقة في الأرض .. ولأنهم مش بيحبوا يسجلوا قصة حياتهم العظيمة على الحيطان
    • الرجوع الى أعلى الصفحة
    love for ever
    love for ever
    love for ever
    الزعيمة
    الزعيمة


    عدد المساهمات : 2621
    رقم العضوية : 37
    تاريخ التسجيل : 08/07/2008
    نقاط التميز : 3166
    معدل تقييم الاداء : 81
    من مواضيعي : موضوع نقاش وبحث
    الخطأ؟؟؟؟؟
    ماذا يحدث حولنا؟؟؟؟
    صغيران اسفل العينين
    مصر الاولى على العالم
    اقوال مأثوره
    معلومات ع الماشي
    معلومات في الطب


    • مساهمة رقم 4

    ثقافة الغلط Empty رد: ثقافة الغلط

    مُساهمة من طرف love for ever الثلاثاء 19 أغسطس - 4:15

    هههههههههههههههههه
    ايه ده ياناس محسسني انها حاجه جديده الكلام ده كلنا عارفينه
    اللي مش عارفينه بقى هو اذاي نغير السلوكيات دي لأنك بتتكلم في سمة شعب
    على فكره موضوع ألأتوبيس فيه افترى ع المواطن المصري هوه سيادتك مش بتشوف شكل ألأتوبيس
    بص وقارن بينه وبين علبة الصلصه؟
    ده سبب فتح الباب وكمان سبب ان الناس بتركب وتنزل وهوه ماشي
    أعتقد ان في الفتره ألأخيره المشكله دي بدأت تقل نتيجة نزول الأتوبيسات المكيفه الهاي كلاس
    اصلي ركبتها مره
    ههههههههههههههههه
    • الرجوع الى أعلى الصفحة
    • مساهمة رقم 5

    ثقافة الغلط Empty رد: ثقافة الغلط

    مُساهمة من طرف marmar الثلاثاء 19 أغسطس - 10:09

    ماشي يا لف
    مبروك عليكي الهاي كلاس
    وخلينا احنا في علب الصلصة
    دة مش قر دة نق بس
    وبعدين مفيش افتراي ولا حاجة الاتوبيس بيكون بابة مفتوح من كتر الناس اللي فية
    والناس اللي في الاتوبيس كتيرة من قلة الاتوبيسات
    والاتوبيسات قليلة من زحمة الشوارع
    والشوارع زحمة من كترة الناس والعربيات
    وهلم جرة
    هتلاقي ان الموضوع متشابك
    وعمل زي العقدة بشنيطة
    مينفعش نحل عقدة عقدة
    لازم يتحل كلة مرة واحدة
    شرفتي الموضوع
    وعلي فكرة انا بنت مش ولد
    بس بنت مسترجلة شويتين
    • الرجوع الى أعلى الصفحة
    • مساهمة رقم 6

    ثقافة الغلط Empty رد: ثقافة الغلط

    مُساهمة من طرف Marwan(Mark71) الثلاثاء 26 أغسطس - 6:40

    يمكن المشكلة هي اصلا في التربية البيتية...وربما نحن في ازمة تربوية ولكن سوف اعطي مثال وهي مقارنة عشتها انا شخصيا بين مجتمعين واحد غربي وواحد شرقي:
    المشهد الاول:
    في رمي الزبالة او النفايات خارج البيوت او على الطرقات...رأيت اثنين واحد شرقي وواحد غربي يرمون نفاياتهم امام مداخل بيوتهم...في المجتمع الشرقي جائت سيارة النفايات التابعة للبلدية ساعة الظهر في صبيحة اليوم التالي وازالت النفايات وتركت بقايا منها هنا وهناك وذهبت بسلام والحمد لله...في المجتمع الغربي جائت سيارة النفايات قبل الخامسة صباحا ونظفت الشارع بشكل كامل وتركت مخالفة نقدية باسم صاحب البيت الذي يعتقد انه رمى النفايات وذهبت بسلام...
    المشهد الثاني
    في يوم من الايام وقف ابني على الشارع ينتظر سيارة اجرة لحمله الى جامعتة..تصادف مجيء سيارتا اجرة في نفس الوقت..رأو الراكب على الشارع تسابقتا من اجل الحصول على الربع جنية..وكانت النتيجة ان احدى السيارتين صدمت ابني بقوة وكانت نتيجة لطف الله ان كسرت يده فقط..طبعا لم نخبر الشرطة لاننا اهل الكرم والتسامح وجاءت عائلة السائق الينا وشكرناهم على كرمهم ومجيئهم وقرأنا الفاتحة وحمدنا الله على انها كسرة يد فقط وانتهى الموضوع
    في احدى دول الغرب وانا اسوق بسيارتي..عملت لفة ممنوعة على الشمال في خط متواصل وكانت النتيجة ان صدم بي سائق موتور سايكل..انا كنت تقريبا في وضع الوقوف وهو كان يسير بسرعة بسيطة ولم يحصل له اي اذى جسماني..طبعا هو لم يتحرك خوفا من يكون هناك ضربة داخلية لم تظهر..ارتمى على الارض وجاءت سيارة الاسعاف ونقلته للمستشفى وجائت شرطة المرور واخذتني الى مركز الشرطة وحوالي 3 ساعات تحقيق معي فيما حدث حتى انهم عملوا لي فحص نظر للتأكد من انني ارى جيدا..النتيجة كانت تحويلي الى محكمة حكمت علي بحوالي الف جنيه وسحب رخصتي لمدة عشرة ايام لان ملفي السابق نظيف..وحكم بسحب الرخصة ثلاثة اشهر لمدة ثلاث سنوات مع وقف التنفيذ اذا عملت اي مخالفة سير

    من هنا انا اجزم ان السبب في كل الفوضى هو النظام الحاكم او النظام السياسي او الحكومة الفاسدة...حتى لو كانت التربية في البيت مستقيمة فعند خروج الولد الى الشارع ويرى هذه الفوضى العارمة شيئا فشيئا سوف يألفها ويساعد في تنميتها.
    لا تحسبوا ايها السادة ان الغرب انظف منا او عنده نظام اكثر منا..الغربيون لو لم يحكمهم القانون بالقوة لاصبحوا مجرمين...هم في بلادهم محترمون ويدافعون عن حقوق الانسان والحيوان وفي بلادنا يحرقوا الارض وينتهكوا العرض...اننا بحاجة فقط الى حاكم عادل
    • الرجوع الى أعلى الصفحة
    • مساهمة رقم 7

    ثقافة الغلط Empty رد: ثقافة الغلط

    مُساهمة من طرف Marwan(Mark71) الثلاثاء 26 أغسطس - 6:42

    انا اعترض على العنوان الذي هو ثقافة الغلط..نحن ليس لدينا ثقافة غلط..فثقافتنا هي الصحيحة ولكن نحن عندنا حكام غلط غلط غلط
    • الرجوع الى أعلى الصفحة
    • مساهمة رقم 8

    ثقافة الغلط Empty رد: ثقافة الغلط

    مُساهمة من طرف marmar الأربعاء 27 أغسطس - 21:01

    شرفت الموضوع يا استاذ مارك ومدخلتك جميلة جدا والف حمد لله علي سلامة ابنك
    واسمحلي اختلف معاك في جزئية بسيطة وهي ان حضرتك شايف ان المشكلة في الحاكم
    رايي ان المشكلة في الشعب لية
    لان اي حاكم مهما كان عادل مش ممكن يقدر يجبر شعبة علي احترام قواعد النظام والنظافة
    الاحترام دة بيكون نابع من الشخصية نفسها بدون ان يحكمها قانون الا قانونها الاخلاقي
    يعتي مثلا لو بلد ما اصدر قوانيين مشددة علي المرور والنظافة مثلا بدون ان يكون لهذا الشعب قانونها الاخلاقي
    هنلاقي ان الناس يمكن تخاف في البداية من الغرامات لكنها هتفضل تدور علي ثغرات في القانون او تشوف اي طريقة للتحايل علية
    اما لو كان الالتزام دة نابع من داخلها مش هنحتاج لا قوانين مشددة ولا مخففة
    تقبل تحياتي
    • الرجوع الى أعلى الصفحة
    • مساهمة رقم 9

    ثقافة الغلط Empty رد: ثقافة الغلط

    مُساهمة من طرف Marwan(Mark71) الخميس 28 أغسطس - 11:39

    انا ارى ان كلما زاد نظام العقوبات شدة تزيد معه انضباط الناس ولا يمكن ان نترك للفرد ان يتصرف وفق ما تمليه عليه اخلاقة ومبادئه لان النفس امارة بالسوء..والمنافقين كانوا يصلوا في الصف الاول خلف الرسول عليه السلام في صلاة الفجر..لا يمكن تصور حتى المجتمع الاسلامي مثالي هذا من ناحية اما من ناحية الاخلاق وما ينتج عنها من ضبط فنحن نعرف ان المجتمعات الاوروبية والامريكية اليوم هي مجتمعات غير اخلاقية بالمفهوم الاسلامي ومع ذلك هناك انضباط في السلوك العام..واكثر الدول نظاما وانضباطا في السلوك الاجتماعي هي الدول الاسكندنافية( السويد والدينمارك وسويسرا) وهي اكثرها انحلالا من الناحية الاخلاقية بالمفهوم الاسلامي للاخلاق....اذن اين الحل؟؟
    • الرجوع الى أعلى الصفحة
    love for ever
    love for ever
    love for ever
    الزعيمة
    الزعيمة


    عدد المساهمات : 2621
    رقم العضوية : 37
    تاريخ التسجيل : 08/07/2008
    نقاط التميز : 3166
    معدل تقييم الاداء : 81
    من مواضيعي : موضوع نقاش وبحث
    الخطأ؟؟؟؟؟
    ماذا يحدث حولنا؟؟؟؟
    صغيران اسفل العينين
    مصر الاولى على العالم
    اقوال مأثوره
    معلومات ع الماشي
    معلومات في الطب


    • مساهمة رقم 10

    ثقافة الغلط Empty رد: ثقافة الغلط

    مُساهمة من طرف love for ever الخميس 28 أغسطس - 13:24

    تعيش وتاخد غيرها يااستاذ مارك
    سحبوا منك الرخصه وبتناقشنا يالا الهول
    ههههههههههههههههههه
    وسلامة ابنك مش بقى تومام والحمد لله
    المهم
    ياجماعه الموضوع مشترك سمة شعب وكمان الحكومه
    نكون معتدلين في رؤيتنا
    هل يعقل ياأستاذ مارك سياسة الحزم مع الشعب ويساقه كالأنعام
    أو يعقل ان يكون هناك شعب ذو سلوكيات خاطئه وتقولي الحكومه الحازمه والقوانين
    لأ طبعا
    ياأستاذه مرمرياراجل
    هههههههههههه
    لو في حبة نظام والاتوبيسات بتيجي في مواعيدها مش هايكون في كل اللي بتحكي عنه
    بعيدا عن عمو الاتوبيس عشان مش نظلمه
    شوفي المترو مش يفرق كتير لما كانت ماسكاه شركه فرنسيه كان مافيش ولا حاجه من اللي بنشوفوا وحوادث المترو عارفه ليه كان بيجي في ميعادو بالدقيقه
    دلوقتي ساعه
    ياجماعه انتوا ناسيين ان احنا الشعب
    يعني احنا جزء كبير من المشكله بدليل اللي حكاه ألأستاذ مارك
    يعني مش كل حاجه الحكومه
    • الرجوع الى أعلى الصفحة
    • مساهمة رقم 11

    ثقافة الغلط Empty رد: ثقافة الغلط

    مُساهمة من طرف marmar الأربعاء 3 سبتمبر - 11:25

    الحل في تكامل القانون والاخلاق
    فالقانون مهما كان مشددا لا يكفي ليكون اداة ردع دائمة
    يمكن ان يكون القانون المشدد اداة ردع مؤقتة
    وزي ما قالت الاستاذة لاف (الراجل )هههههههههه
    يعني احنا جزء كبير من المشكله

    وبعد اذنك هصححلك الجزئية بتاعة الدول الاسكندنافيا وهي الدنمارك، والنرويج، والسويد.
    مش سويسرا

    سعدنا بزيارتكم ونرجو ان نكون اسعدناكم
    • الرجوع الى أعلى الصفحة
    ابو خالد
    ابو خالد
    ابو خالد
    عضو مجتهد
    عضو مجتهد


    عدد المساهمات : 290
    رقم العضوية : 76
    تاريخ التسجيل : 21/08/2008
    نقاط التميز : 384
    معدل تقييم الاداء : 64
    • مساهمة رقم 12

    ثقافة الغلط Empty رد: ثقافة الغلط

    مُساهمة من طرف ابو خالد الإثنين 22 سبتمبر - 8:26

    الحل هو بان يحترم الانسان القانون حتى بغياب المراقب وان يكون كل شخص يطبق القانون على نفسه وعلى غيره
    مثلا في لندن سائق التاكسي ماشي بشارعه محدد بالسرعه 40 كيلو متر في الساعه حتى لو كان وحده بالشارع والشارع فاضي مافيه ولا سياره من المستحيل ان يتجاوز هذا السائق حدود السرعه المنصوصه طبعا هذا مثال على مستوى سائق تاكسي اي تقريبا المستويات المتدنيه مع احترامي لكل السائقين
    لو رجعنا للاسباب هو مطبق القانون والراكب يكون طالع قبل الموعد بشويه وبالتالي لا يضغط على السائق ويقوله شهل يا اسطى انا اتخرت والنبي دوس بنزين شويه ربنا يخليك ( طبعا يقولها بالانجليزي ) وبنفس الوقت تكون اجرة سائق التاكسي مقنعه ومش محتاج يجري جري وحوش ويعرض الناس للخطر ونفسه كمان علشان يادوب يامن عيشة ولاده ومصاريفهم تقلي مصاريفهم زايده ليه اقلك كل حاجه غليه بالبلد والدنيا نار والاسعار براكين تسالني ليه اقلك الرقابه مرتشيه تسالين ليه نوصل لغايه فوق فوق ونخاف نكمل
    انا شايف ان الموضوع متشعب جدا جدا وله اكثر من وجه وياريت يتقسم علشان نحل كل مشكله لوحدها بدل ما نفتح موضوع كبير ونلاقي فيه مليون مشكله عايزه حل فنتوه ونياس ونضيع وبالتالي شكرا على هذا الموضوع القيم
    • الرجوع الى أعلى الصفحة
    • مساهمة رقم 13

    ثقافة الغلط Empty رد: ثقافة الغلط

    مُساهمة من طرف marmar الأربعاء 1 أكتوبر - 6:16

    منور يا استاذ ابو خالد
    انا من ايدك دي لايدك دي
    قسم وقول وكلنا اذان صاغية
    انا هنا علشان اتعلم منكم
    وكل سنة وانتم طيبين
    • الرجوع الى أعلى الصفحة
    سندباد الشرق
    سندباد الشرق
    سندباد الشرق
    عضو متميز
    عضو متميز


    عدد المساهمات : 433
    رقم العضوية : 5
    تاريخ التسجيل : 30/05/2008
    نقاط التميز : 758
    معدل تقييم الاداء : 25
    • مساهمة رقم 14

    ثقافة الغلط Empty رد: ثقافة الغلط

    مُساهمة من طرف سندباد الشرق الأحد 4 يناير - 10:18

    شاطرة يا مرمر محاورة ذكية وناصحة
    • الرجوع الى أعلى الصفحة

      مواضيع مماثلة

      -

      الوقت/التاريخ الآن هو الأحد 19 مايو - 8:48