مصر الاولى على العالم

طبعا دي فرحه مصريه ليس لها مثيل ان نأخذ مركز على العالم وكمان الاول لم تحدث في تاريخنا حتى ولا كرة القدم التي احترفها المصريين مؤخرا لكن ياترى مصر الاولى على العالم في ايه؟
كان نفسي اقول مجال علمي او حتى ترفيهي المهم مركز وخلاص لكن للأسف مصر الاولى على العالم في الالتهاب الكبدي الوبائي طبعا مآساه بيعيشها اهل مصر ولا حول بهم ولا قوه من تخلف وفقر وجهل وكمان المرض اللي اصبحنا نحتل فيه مراكز وليس أي مركز بل الاول على العالم وطبعا هذا كله يرجع لفضل الحكومه !!!!!!
نفسي واحد بيحس كده ينزل يشوف مرضى الكبد في معهد الكبد يرى بقلبه وليس بعينيه الناس واللي بيحصل لو لم يبكي القلب قبل العين فاعلم انك بلا قلب
طيب سؤال ايه الفضل اللي عملته الحكومه اللي أشارت اليه لنصل الى هذا المركز ؟؟؟؟
الاجابه اتذكر يوما وانا طالبه في الجامعه وانا أقرأ ان مصر تحتل المرتبه التالته على العالم في الالتهاب الكبدي واذا ببعض اصدقائي تعلق على الخبر في منتهى الاسى أخدنا مركز على العالم ويوم ما ناخده ناخده في المرض؟! لاحول ولا قوة الا بالله (مش عارفه صاحبتي دي هايكون رد فعلها ايه دلوقتي واحنا بقينا الاول)طبعا الاحصائيه الاخيره بتقول
إحصاءات منظمة الصحة العالمية تؤكد أن عدد المصريين المصابين بفيروس الالتهاب الكبدي الوبائي (سي) يبلغ 12% من عدد سكان مصر، وهو ما يقارب 10 ملايين مصري على الأقل، بينما معدَّل انتشار الالتهاب الكبدي الفيروسي (بي) في مصر يصل إلى 4% من تعداد السكان، وبهذا تحتلُّ مصر المرتبة الأولى على مستوى العالم في الإصابة بالمرض!!.
الى الان لم نقول مجهودات الحكومه طب نقول
1.طبعا البلهاريسيا اللي بقى لنا سنين عشان نقضي عليها تقريبا كده الحملات دي بتبقى للقضاء على المواطن وليس المرض؟!

كشف الدكتور أحمد درة أن البلهارسيا هي أحد أخطر المسببات الرئيسية للمرض، وهى السبب الرئيسي لدخول المرض وانتشاره بشكل مخيف في مصر ، وذلك حينما قامت وزارة الصحة قديما باستيراد حقن "التراتير" وهي عبارة عن 12 حقنة تؤخذ بالوريد لعلاج البلهارسيا، وحدث أن أحد المصابين بالبلهارسيا كان حاملاً لفيروس "سي"، وبما أن الحقن التي كان يؤخذ بها المصل لم تعقم بصورة صحية، فإن ذلك نتج عنه انتقال المرض لمئات بل للآلاف التلاميذ بالمدارس ، بسبب الإهمال والتسيب الذي تتسم به الوحدات الصحية المنتشرة في الريف المصري، وبالتالي انتهى الأمر إلى 20 مليون مصري ما بين مصاب وحامل لفيروس "سي".

2. لعل من المؤسف طبعا ونحن نقرأ عن اصابة مدرسه بأكملها بالمرض عند تطعيم الاطفال في المدرسه عن طريق استخدام الحقن المستخدمه من قبل كان مما يدعوا للخذل دي مهزله طبعا

3.المستشفيات العامه او الخاصه من رأيي لا فارق كبير الفرق الوحيد انك في المستشفى الخاصه ممكن تاخد تعويض وتبهدل صاحب المستشفى لكن في العامه قضاء وقدر!والله بجد مهزله الاجهزه في المستشفيات داخل مريض بسيط يشتكي من مرض بسيط جدا في مستشفى عامه يخرج عنده الكبد؟!
4.طبعا نقل الدم وهنا لنا وقفه كنت اقرأ يوما دموع دكتوره في احدى الصحف وهي تحكي موقف وتناشد المسؤلين يتصرفوا الموقف كالأتي اتعينت في مستشفى عام بعد التخرج وكان هناك متبرعين بالدم فكانت المستشفى تاخد العينه لتحللها وتتصل بعد ذالك بالمتبرع ليأتي ويتبرع طبعا هي سألت ليه كل الاجراءات دي كانت الاجابه كالأتي احنا بنعمل للعينه تحليل ولو طلع سليم ناخده يتبرع لو طلع عنده الكبد مانتصلش بيه؟؟؟؟؟؟؟
وطبعا الدكتوره في زهول ياجماعه ده مريض كبد يعني ممكن ينقله لأي حد من عائلته زوجته واولاده (لأنه طبعا بيستخدموا نفس الادوات) كانت الاجابه ياستي ليه نضايق الناس خاليه عايش مش عارف
ياجماعه طب نقول للراجل عشان يتلحق بدري ياستي خاليها على الله ماهو عايش اهوه وحامل للمرض وماحصلهوش حاجه؟؟!!!
5عدم الرقابه على المراكز الطبيه الصغيره والعيادات خصوصا دكتور الاسنان والله دكتور الاسنان ده لواحده مشكله ينقل كل الامراض اللي قلبك يحبها وبسهوله لو الاجهزه مش متعقمه
6غياب العنايه الصحيه بالمرضى طبعا دي في غيبوبه مريض الكبد في مصر بيآسي ليحصل على العنايه الطبيه سواء الدكتور اللي عليه طابوووووور ولا طابور العيش في المستشفى والا المعامل اللي غير مؤهله وال العلاج اللي يعد بالالاف ومش لاقينه؟؟طبعا المريض الفقير يموت احسن ؟؟!!!ولا حول ولا قوة الا بالله!!!!
7 .الاغذيه طبعا مش ملوثه لا سمح الله حد يقدر يقول كده؟؟ده الرقابه عندنا ماشاء الله
طبعا انا لا استطيع بضآلتي ان احصر كل انجازات الحكومه الهائله التي جعلتنا نصل لهذا المركز لا يسعني الا ان اقول حسبنا الله ونعم الوكيل
في كل يوم وانا ارى عشرات بل مئات الشباب يعانون من هذا الكم من الامراض وليس لهم الا الله ولسان حالي يقول ياعيني على ابنائك يامصر
الحمد لله الذي عفاني مما ابتلى به غيري وفضلني على كثير ممن خلق تفضيلا
لمن يريد ان يتعرف اكثر عن المأساه وكمان المرض وطرق الوقايه المواقع التاليه
http://www.aawsat.com/details.asp?section=31&article=346963&issueno=9933

http://www.moheet.com
/show_files.aspx?fid=54579
http://moneep.katib.org/node/208
http://www.islamonline.net/livedialogue/arabic
http://www.cdc.gov/hepatitis/
http://kidshealth.org/teen/infections/stds/hepatitis.html

اللهم يقيكم وايلنا شرالبلية شدنى العنوان واستدعانى الفضول لمعرفة الفكرة لكننى انصدمت لما تصفحت اندهشت الله يعينا على تخطى هذه المحنة

اه فعلا ياساميه مأساه في مصر احنا تقريبا واخدين مراكز في أغلب الامراض وبقت متوطنه
لا حول ولا قوة الا بالله
ربنا يرحمنا برحمته

مصر الاولى دائما

يعني ابكي معاك مثلا
لا حول ولا قوة الا بالله
امسحي دموعك ياأمال قاصدي يامتمرد

جينا في دي وبقينا الاول ربنا يحفظنا

اسباب المرض دا اكتر من مجرد نقل عدوي من اهمها تغيير العادات الغذائية واستعمال المبيدات الحشرية بكثرة في الزراعة وتلوث مياة الشرب وغيرها من الاسباب

يسرا احمد كتب:جينا في دي وبقينا الاول ربنا يحفظنا

ربنا يعفو عن عباده يايسرا

[quote="mark71"]اللهم اني اسألك العفو والعافية...شكرا يا دكتورة[/quote
اللهم امين
الشكر لله ياأستاذنا

youssef كتب:اسباب المرض دا اكتر من مجرد نقل عدوي من اهمها تغيير العادات الغذائية واستعمال المبيدات الحشرية بكثرة في الزراعة وتلوث مياة الشرب وغيرها من الاسباب

مش صحيح ياأستاذ يوسف
الوحيد اللي بيتنقل عن طريق الغذا الالتهاب الكبدي A
ودي من رحمة ربنا لأنه اقلهم خطوره وكمان في علاجه
لكن بي وسي عن طريق الدم