معا لغد افضل

معا ننقذ فؤادة

شاطر

معا ننقذ فؤادة

مُساهمة من طرف نهر العطاء في الجمعة 5 مارس - 23:07

يمكن أكون بأعاني من أعراض انسحاب الكلام أو تكون انتكاسة ويمكن يكون الصمت مش وقته في المرحلة دي بالذات بعد ظهور بشاير الفعل وليس الكلام ويمكن أكون مخطئة بصمتي ويمكن أكون مخطئة بكلامي لكن في جميع الأحوال هو كلام كابس على نفسي ولازم أكتبه طلبا للراحة




















طبعا كلنا شفنا فيلم شىء من الخوف وعارفين كلنا إن جواز عتريس من فؤادة باطل والدهاشنة كلهم كانوا عارفين وكانوا بيعانوا الأمرين من عتريس ورجالته ودفعهم الطاج طاجين وسمم البهايم ومنع عنهم المية والنور وأكلهم أكل مسرطن وملهمش علاج على نفقة القرية وبيموتوا في طوابير العيش والبوتجاز وصدر الغاز لأعدائهم وشربهم مية مخلوطة بماء المجاري وزود نسبة الأمية فيهم وعيش نصهم تحت خط الفقر وتعاون مع أعداء القرية ضد قرايبهم وبنى بينهم جدار فولاذي وخلى رقبتهم جد السمسمة ولبسهم توب العار وبجوا عرة وخلى الواطي والعالي يتمسخر بيهم وضيع تضحياتهم ودم عيالهم في الدفاع عن القرية هدر وخلى ترعتهم ممر لغواصات اللي دفنوا عيالهم وهم أحياء وفهموهم إن ده تحضر وسلام وتنوير واحترام عهود ومواثيق!!!














وعشان يضمن إنه حيفضل للأبد كابس على مراوحهم حيخلي عتريس الثاني يحكم بعده وكووووووووووووول ده والدهاشنة بتترعش خوفاً من المعتقلات اللي بتصطاد أى دهاشني يفكر بس يعترض بصوت عالي ومنهم اللي بيقوله هو احنا من غيرك نسوى حاجة يا عتريسنا يا مشرفنا ومغذينا ومأكلنا ومعرينا لآلآلآ (( الكي بورد بيهنج )) ومأكلنا ومعلينا ومنهم اللي عاملين يمصمصوا شفايفهم وشايلين الهم ومستنيين معجزة من السما من غير ما يكون لهم أى دخل هم مش ناقصين بهدلة ورافضين يتحركوا أو يسمعوا كلام شباب القرية القلة المندسة الشرذمة المتهورين الطايشين العملاء لما بيجولوا لهم لازم نعمل حاجة ونجول لأ وتبجى أكبر لأ اتجالت في الدهاشنة




لكنهم خايفين وساكتين ورجالة عتريس بيجولوا لهم اللي عايزيغير حالكم عميل ومزدوج الجنسية وآخر دفعته وبيتهته وله أجندة أمريكية لكن عتريس أجندته طاهرة وشريفة وخليكم في حالكم أحسنلكم ودوروا على مصلحة عيالكم وامشوا جنب الحيط أو اقعدوا على الجهوة اتفرجوا واتلهوا في ماتش كورة لمنتخب الساجدين العابدين


وحال الدهاشنة بجى حال كل القرى لأنهم يوم ما سلموا لعتريس رجابيهم وحياتهم وكانوا جبل كده زينة القرى وأمهم وأختهم الكبيرة , الكل عمل زيهم وبجوا ملطشة وعرة القرى وأعدائهم دنسوا عرضهم ولهفوا أرضهم وفاضل تكة ويهدوا أقصاهم فوج دماغتهم كلهم




وعلى خطى الدهاشنة الكل عامل ودن من مصالح وودن من طين








لكن








لكن








لما محمود انطخ




الدهاشنة جاموا وخلعوا طرح الحريم وجالوا أكبر لأ اتجالت وفرغوا جهر السنين ووجفوا وجفة رجالة وكان جتل محمود هو اللي ولع الشرارة عشان الدهاشنة يستردوا مقدراتهم وشرفهم,,, وفؤادة ,,,,








خلصوا فؤادة من عتريس لكن متحركوش إلا ...








لما محمود انطخ








ياترى الأقصى لما ينهد حيكون ده محمود اللي انطخ عشان دهاشنة العرب يتحركوا ؟








يا ترى الدهاشنة هنا مستنيين إيه عشان يرجعوا فؤادة ؟!!





الجواب