معا لغد افضل

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
معا لغد افضل

3 مشترك

    مرايا من ألف ليلة وليلة

    طائر الليل الحزين
    طائر الليل الحزين
    طائر الليل الحزين
    عضو متميز
    عضو متميز


    عدد المساهمات : 404
    رقم العضوية : 34
    تاريخ التسجيل : 03/07/2008
    نقاط التميز : 711
    معدل تقييم الاداء : 46
    • مساهمة رقم 1

    مرايا من ألف ليلة وليلة Empty مرايا من ألف ليلة وليلة

    مُساهمة من طرف طائر الليل الحزين الأحد 3 أغسطس - 11:41

    بلغني أيها الملك السعيد ذو الرأي الرشيد..إنه كان فيه ملك شديد قاعد في بلد بعيد..جلس ذات يوم أمام مرآته وحيد..وسألها السؤال الجديد...

    -قوليلي يا مرايتي..مين أحسن ملك في الدنيا؟؟

    -أنت طبعاً يا مولاي..

    -طيب ومين أغنى ملك في الدنيا؟؟

    -أسأل بنوك سويسرا..حتقولك أنه أنت برضه يا مولاي

    -طيب مين بقى أقوى ملك في الدنيا؟؟

    -وبعدين معاك..أنت شكلك فاضي يا مولاي..برضه أنت يا مولاي أمال العيال بتوع المظاهرات متنفخوش ولا اتعذبوا إلا في عهدك

    -طيب قوليلي يا مرايتي أجيب مين بعدي؟؟

    -يا مولاي هو الشعب ده ورث من أمك..ما تسيبه هو ونصيبه..اللي يحكمه يحكمه..إن شالله يقعد كده عانس من غير حاكم..وأنت مالك يا مولاي

    -لا يا مرايتي..دي أمانة حمّلها لي التاريخ..وأنا لا يمكن أتخلى عن الأمانة دي..لا حي ولا ميت..أنا مقاتل..والمقاتل ما يهربش من المعركة أبداً..

    -خلاص يا مولاي هات "ابن الوز" وصاحبه "عز" يحكموها..

    -برافو عليك يا مرايتي..

    -قوليلي يا مرايتي..هو أنا ليه وداني طويلة؟؟

    -عشان طول النهار بتسمع لشكاوي الناس يا مولانا..

    -طب ليه كرشي واسع كده؟؟..أصلي الناس بيقولوا ده من كتر مالهم اللي كالته

    -قطع لسانهم يا فندم..ده شوية انتفاخ..خدلك أنت بس حبتين ديسفلاتيل وأنت هتبقى زى الفل..

    -طب ساعات بحس بحرقان في البول

    -يا مولانا أنا مراية مش دكتور مسالك..ده إيه النفخ ده يا ربي..

    -طب خلاص..بس قوليلي كل يوم بتحصل في المملكة مصيبة..ناس بتغرق وناس بتنحرق في حوادث قطارات..هو أنا صحيح نحس يا مرايتي؟؟

    -فشر يا فندم..ده هو اللي شعب فقري ابن(....) مش عارف يموت

    -طب سؤال أخير يا مرايتي..أنا أمرت إنهم يحطوا صورتي في كل حتة..بس ماقلتلهمش يحطوها على الجبنة المثلثات بتاعة العيال...

    -لأ يا فندم هما حطوها عشان العيال ماكنوش يرضوا يا كلوا الجبنة..فحطوها عشان يقوللهم اللي مش حياكل حيبقى زي عمو..،بس أنا كان لي طلب عند سيادتك..

    -قولي يا مرايتي

    -الهانم حرمك..كانت مانعة جيمي ابن سيادتك يلعب بالكورة قدامي عشان خايفة أتكسر..قولها خصيمك النبي يا شيخة..خليه يلعب عشان اتكسر ولا أروح في داهية..أحسن من ما أشوف كل يوم النحس أبو كرش ده

    -إيه ده..هو في حد بيقف قدامك غيري

    -يا لهوي يا مولاي



    من أحد ممالك ألف ليلة نقله إليكم:

    جمعاوي
    • الرجوع الى أعلى الصفحة
    مصري
    مصري
    مصري
    عضو مبدع
    عضو مبدع


    عدد المساهمات : 505
    رقم العضوية : 28
    تاريخ التسجيل : 27/06/2008
    نقاط التميز : 835
    معدل تقييم الاداء : 59
    • مساهمة رقم 2

    مرايا من ألف ليلة وليلة Empty رد: مرايا من ألف ليلة وليلة

    مُساهمة من طرف مصري السبت 23 أغسطس - 14:32

    ههههههههههههههههههههههههههههه
    ههههههههههههههههههههههههههههههههه
    الا مين الملك النحس ابو كرش دة يا جمعاوي
    مين هو مين
    قولي ولا تخبيش يا زين
    • الرجوع الى أعلى الصفحة
    adel7rof
    avatar
    adel7rof
    عضو فعال
    عضو فعال


    عدد المساهمات : 326
    رقم العضوية : 141
    تاريخ التسجيل : 15/10/2008
    نقاط التميز : 572
    معدل تقييم الاداء : 12
    • مساهمة رقم 3

    مرايا من ألف ليلة وليلة Empty رد: مرايا من ألف ليلة وليلة

    مُساهمة من طرف adel7rof الإثنين 19 يناير - 4:15

    هو انت معرفتش يا مصري مين هو
    اقولك انا بس تعالي علي جنب











    عرفت يا سيدي
    بس متقلش لحد
    • الرجوع الى أعلى الصفحة
    طائر الليل الحزين
    طائر الليل الحزين
    طائر الليل الحزين
    عضو متميز
    عضو متميز


    عدد المساهمات : 404
    رقم العضوية : 34
    تاريخ التسجيل : 03/07/2008
    نقاط التميز : 711
    معدل تقييم الاداء : 46
    • مساهمة رقم 4

    مرايا من ألف ليلة وليلة Empty رد: مرايا من ألف ليلة وليلة

    مُساهمة من طرف طائر الليل الحزين الإثنين 20 يوليو - 5:55

    الملك معروف والسرال عنة غريب
    الملك هو الملك
    سعيد بوجودك
    • الرجوع الى أعلى الصفحة

      الوقت/التاريخ الآن هو الخميس 25 أبريل - 22:27