معا لغد افضل

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
معا لغد افضل

+2
واحد من الناس
marmar
6 مشترك

    رحلة الموت

    رحلة الموت Empty رحلة الموت

    مُساهمة من طرف marmar الثلاثاء 19 أغسطس - 10:24

    [ندعوك للتسجيل في المنتدى أو التعريف بنفسك لمعاينة هذه الصورة]

    كل يوم و التانى الواحد يفتح الجرنال يلاقى عنواين زى دى :



    إراده الحياة تنقذ .. مصريا من الموت ( رحلة هجرة غير شرعية )



    الموت غرقا ... أفضل من الحياة الفاشلة



    الهروب الى المجهول ..



    كل ده بيعكس الحالة إلى وصل ليها الناس خلاص قرفت طهقت وبقى عندها إن هى تغامر بحياتها فى رحلة أقل مايقال عنها إنها رحلة الموت ..



    [ندعوك للتسجيل في المنتدى أو التعريف بنفسك لمعاينة هذه الصورة]



    لو فى حد كان إتفرج على البرنامج الوثائقى إلى عرضه الجزيرة من فترة ... واحد صحفى قرر يجرب رحلة زى دى بس من المغرب لأسبانيا ..

    الناس كانوا مرعوبين وكانوا بيعبروا البحر فى مركب صيد خشب بدائى

    و بيجدفوا طول المدة ...

    و فى الاخر النهاية إتقبض عليهم .


    [ندعوك للتسجيل في المنتدى أو التعريف بنفسك لمعاينة هذه الصورة]



    الاحصائيات بتقول ان فى 1288 شاب مصرى تم ترحيله من اوروبا من بداية العام الحالى ياعنى بمعدل 35 مصرى كل اسبوع



    و إن فى 11 قرية فى مصر من أكتر المناطق الخارج منها الهجرة الغير شرعية منها قرية ميت ناجى بالدقلية



    عملوا دراسة حالة على القرية دى ولاقوا إن السبب تطبيق قانون العلاقة بين المالك و المستأجر و إلى حرم 17 ألف نسمة من مصدر دخلهم





    [ندعوك للتسجيل في المنتدى أو التعريف بنفسك لمعاينة هذه الصورة]




    إلى يضحك إن فى واحد حاول 4 مرات يهاجرمن شواطىء ليبيا الى ايطايا

    و كلها فشلت وكل مرة بيدفع حوالى من 10 الى 12 ألف جنية

    يعنى لو كان جمع الفلوس دى كان زمانه بدى حياه كويسه......

    بس هو ده الى حصل !


    [ندعوك للتسجيل في المنتدى أو التعريف بنفسك لمعاينة هذه الصورة]


    كانوا عملوا حوار مع واحد من الناس إلى نجوا من الرحلات دى كان بيقول إن العيشة هنا فى مصر بالنسبه له زى الموت البطىء و أن الموت فى رحلة من دول أحسن من العيشة هنا عشان العمر ممكن يضيع هنا و هو مستنى فرصه عمل



    عملوا دراسة تانية على قرية فى الفيوم لقوا إن معظم شباب القرية دى حل أساسى عندهم إنهم يحاولوا ياهجروا



    نظرا لكذا مثال قدمهم من الناس إلى نجحت ورجت بفلوس بنوا عمارات و مشاريع بيعيشوا منها

    [ندعوك للتسجيل في المنتدى أو التعريف بنفسك لمعاينة هذه الصورة]



    بس العملية دلوقت خلاص أكنه بركان و إنفجر كل الى بيطول واحد من السماسرة بتوع الهجرة بيحاول



    بس مش عارف ياترى حتى لو وصل هناك وعرف يعدى البحر ويعدى من حرس الحدود

    هايفضل قد إيه قبل مايتمسك عشان مهاجر غير شرعى .. وهايكون عمل إيه فى الفترة دى..



    كل واحد فاكر إن خلاص لو راح هناك وصل الجنة ... مش عارف إن الى هناك بردوا بيحرتوا عشان لقمه عيشهم



    معاك أكيد مش زى هنا بس تفتكر تستاهل كل ده
    avatar
    واحد من الناس
    عضو نشيط
    عضو نشيط


    عدد المساهمات : 148
    رقم العضوية : 72
    تاريخ التسجيل : 15/08/2008
    نقاط التميز : 157
    معدل تقييم الاداء : 7

    رحلة الموت Empty رد: رحلة الموت

    مُساهمة من طرف واحد من الناس الجمعة 22 أغسطس - 23:18

    فعلا موضوع الهجرة الغير شرعية لية ابعاد كتير
    يعني مثلا لية الشباب دول فكروا يسافروا بالطريقة دي
    بالتاكيد لهم اسبابهم
    والكل مسئول من اول الحكومة لغاية الناس اللي سافرت وعرضت نفسها للخطر
    ومنهم اللي مات
    لكن فعلا اللي مستغربلة الراجل اللي دفع المبلغ الكبير دة علشان يسافر وفي الاخر ممكن يخسر كل حاجة
    موضوع جميل وشيق ويستحق التقدير والاحترام


    واحد من الناس

    رحلة الموت Empty رد: رحلة الموت

    مُساهمة من طرف Marwan(Mark71) الأربعاء 27 أغسطس - 9:38

    لا حول ولا قوة الا بالله

    رحلة الموت Empty رد: رحلة الموت

    مُساهمة من طرف marmar الأربعاء 27 أغسطس - 20:06

    شكرا لمروركم الكريم
    avatar
    ايهاب عزمي
    عضو نشيط
    عضو نشيط


    عدد المساهمات : 101
    رقم العضوية : 88
    تاريخ التسجيل : 04/09/2008
    نقاط التميز : 118
    معدل تقييم الاداء : 14

    رحلة الموت Empty رد: رحلة الموت

    مُساهمة من طرف ايهاب عزمي الجمعة 12 سبتمبر - 0:49

    قبل من حاكم الحكومة لازم نحاكم الشباب اللي فكروا بالطريقة دي دة مش سفر دة انتحار
    فين عقولهم
    ولما هم معاهم الفلوس دي لية مفكروش يسافروا بطريق شرعي
    او بلاش سفر خالص ويشتغلوا بالفلوس دي
    عشرات وعشرات الاسئلة

    رحلة الموت Empty رد: رحلة الموت

    مُساهمة من طرف marmar الأربعاء 1 أكتوبر - 5:29

    علا يا استاذ ليهاب الموضوع دة بيحتمل عشرات الاسئلة
    وللاسف معظمها .............بلا اجابات

    رحلة الموت Empty رد: رحلة الموت

    مُساهمة من طرف samia الجمعة 28 نوفمبر - 22:58

    اللهم افتحها فى وجوههم ليغيروا الاتجاه
    avatar
    صبري محمود
    عضو مجتهد
    عضو  مجتهد


    عدد المساهمات : 269
    رقم العضوية : 393
    تاريخ التسجيل : 07/08/2009
    نقاط التميز : 353
    معدل تقييم الاداء : 34

    رحلة الموت Empty رد: رحلة الموت

    مُساهمة من طرف صبري محمود السبت 12 ديسمبر - 23:56

    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو الجمعة 12 يوليو - 11:02