لولولولولولولولي

love for ever كتب:يقال كده والله أعلم ان يوم 30|5 عيد ميلاد المنتدى وكان في هنا رئيس جمهوريه شكله اعتزل اسمه الاستاذ عادل ولاز بالفرار وزيرته نهر على اي من الاحوال سوف نقوم نحن اعضاء المنتدى بانتخاب رئيس جديد بدلا من المخلوع وكل سنه والمنتدى بخير والسنه القادمه ان شاء الله يكون فعلا أفضل
الشربات بقى على مرمر ويسرا والجاتوه على عبير وانا هنا ضيفه يعني للأكل فقط
هههههههههههههههههههه

samia كتب:لى الفخر ان اكون من اول المهنئين واكو من اول من يبارك ه الفرحة فعقبال لانتصارات اخرى ورقى متواصل نفيد ونستفغيد منه

samia كتب:لم لحضر هدية لكنى هديتى لكم وفائى انشاء الله سيكون بحول الله دائم غير منقطع النظير

love for ever كتب:ده انتي اجمل هديه للمنتدى ياساميه
انا لاقيت ماحدش جبر بخاطرنا باحتفال قولت نحتفل احنا بقى
كل سنه وانتي قمر ياساميه

مسافر زادة الخيال كتب:صحيح من فترة وهم بيجهزو للمناسبة ولما المناسبة جت لا حس ولا خبر
ان شاء الله يكون خير
بس حاجة جميلة فغلا المنتدي كمل سنة في عمرة المديد با>ن الله ووحقق اشياء كتير جيدة

مسافر زادة الخيال كتب:والف مبروك للمنتدي واعضائة ولادارتة الغائبة وللرئيس المنتخب الجديد
بس محدش اترشح علشان ننتخبة

ابو اسلام كتب:كل سنة وانتم والمنتدي بخير ودايما تكونوا معا لغد افضل
اهنيكم بالمناسبةالسعيدة واهني نفسي بالانضمام اليكم ومن يمن الطالع ان تكون اول مساهماتي في اول يوم للسنة الجديدة للمنتدي وان كنت استغرب ان يكون المنتدي في عامة الاول وفية كلالاشياء الجميلة الموجودة قية من مواضيع ومنتديات مختلفة

hooda كتب:كل سنة وانتم بخير والمنتدي في تقدم
وربنا يوفق الجميع
وعقبال السنة الالف

فارس بلا جواد كتب:فين الحاجات والمحتاجات عازين ناكل هم هم هم
كل سنة وانتم طيبلين والمنتدي طيب وبخير وان شاءئ الله نعيش لغاية العضو عشر الاف

اشرف كتب:كل سنة والجميع بخير وبصحة وعافية والمنتدي في تقدم وازدهار

love for ever كتب:مين هايرشح نفسه لالأنتخابات والا انتوا تقوموا بترشيح رئيس جديد
عشان عادل هرب كل عضو شايف نفسه أهل بالرئاسه يقوم بتقديم نفسه ومصيره ان شاء الله مع ايمن نور
يالله ياجماعه باب الترشيح للرئاسه بدأ

كاسبر سكاي كتب:كل سنه والمنتدى في تقدم دائم ان شاء الله
والمنتدى فعلا جميل كفايه الاعضاء اللي ذي العسل وأولهم انا مش كده والا هاسحب التورته وامشي
انا قاعد بفلوسي

marmar كتب:يا سلام يا كاسبر بالتورتة الجميلة دي عوضت فترة غيابك الطويلة خليك منورنا علي طول
كل سنة والجميع بخير وسلام ويارب نفضل دايما معا لغد افضل
علي فغكرة عادل مهربش هو الراجل راح يصيف
واذا غاب عننا عادل فكلنا عادل (هطلب علاوة علي الكلمتين دول)
وفكرة الزعيمة ممتازة فعلا ممكن نعمل ادارة المنتدي بالانتخاب
يلا وانا برشح استاذ مارك والزعيمة بس بشرط افضل انا نايبتها برضة

كامل كتب:كل سنة والمنتدي بخير وسلام
ونتمني نشوفة في احسن 100 منتدي عربي عن قريب ان شاء الله

love for ever كتب:

علي فغكرة عادل مهربش هو الراجل راح يصيف
واذا غاب عننا عادل فكلنا عادل (هطلب علاوة علي الكلمتين دول)
وفكرة الزعيمة ممتازة فعلا ممكن نعمل ادارة المنتدي بالانتخاب
يلا وانا برشح استاذ مارك والزعيمة بس بشرط افضل انا نايبتها برضة

عاوزاني امسك الرئاسه عشان تخلعيني وتمسكيها انتي ماشي يانايبتي وانا اقول وفيه وبتنجان اتاريها طلعت صلصه
وبعدين عادل لو كان هنا كان لم من المنتدى كل واحد 10 جنيه عشان يعمل العيد ميلاد ده عادل انتوا هاتقولوا لي هي دي الحكومه
وانا كمان برشح الاستاذ مارك بس ابقى افتكرني بحاجه كده وانت على كرسي العرش
ههههههههههههههههههه

مصري كتب:كل سنة وانتم والمنتدي بخير وسلام ودايما نكون متجمعين علي خير وحب وسلام
سنة اولي سعيدة في عمر مديد باذن الله

adel كتب:رة المنتدي والدنيا كلها
انتي مش ضيفة لان معندناش ضيوف
احنا هنا كلنا اسرة واحدة نتمني انك تعملي اضافة قوية للمنتدي

[quote="adel"]مبروك مبروك مبروك
مبروك يا نسنا واهلينا
يارب كتر افراحنا
وعلي قد نيتنا ادينا

كمال عبد الله كتب:فعلا المنتدي مش بعدد اعضاءة ولا بعدد مواضيعة وردودة وانما بمدي تماسك وترابط اعضاءة
والفرحة اللي شايفها وسك الكلام تدل علي مدي الترابط الجميل ندعو المولي عز وجل ان يظل هو السمة المميزة للمنتدي

عمرو كتب:بسم الله ما شاء الله المنتدي كمل سنة
علي فكرة اول ما انضميت للمنتدي كنت فاكر انة عمرة اربع خمس سنين
وفوجئت بعد كدا انة لسة جديد
باينة علية امارات التميز من بدايتة
بتوقع واتمني انة يكون في مكانة الطبيعي بين افضل 10 منتديات قبل ما يكمل السنة التانية
قولوا امين

love for ever كتب:اللهم امين
المهم ان يفضل الهدف الرئيسي للمنتدى وماننساش اننا بندور على بكره يكون افضل في كل شئ
وماذال الرئيس المخلوع مختفيا ووزيرته الي هذه اللحظه
الى ان شاء الله بظهوره ستظل الانتخابات جاريه
هاتروح ورا الشمس ياعادل كل ده مصيف هاترجع تلاقي انقلاب سياسي في المنتدى

سندباد الشرق كتب:كل سنة وانتم والمنتدي في بخير وسلام
كل الشكر لكل المهنئين ونحن في الاساس نهنئ انفسنا قبل ان نهنئ المنتدي
لان المنتدي ما هو الا نتاج افكارنا جميعا كل منا ساهم بقدر فية تختلف نسب المساهمة لكننا نشترك ان لكل منا بصمة فية
واصبح المنتدي جزء منا جميعا
كل الشكر لكل من ساهم ولو بكلمة واحدة في تشيد بناء المنتدي
ما زلنا في بداية الطريق امامنا المزيد والمزيد
نحتاج لكل الافكار لكل الاراء نحتاج مزيد من الجهد مزيد من الاعضاء النشطين
نحتاج ان يصل صوتنا وكلمتنا لاكبر عدد ممكن من الناس
المنتدي ليس مكان لتقضية وقت الفراغ ولا للتسلية فقط
نهدف الي تكوين وعي جديد باهمية وفائدة المنتديات
واهم فكرة نهدف لها ان نكون جميعا معا مهما كانت توجهاتنا وافكارنا مختلفة
وان يكون لتجمعنا هدف ومعني ان نسعي لان يكون غدا افضل
افضل لنا ولاولادنا ولاسرنا ولامتنا ولعالمنا
اهداف كبيرة وكثيرة وتكاد تكون من المستحيل تحقيقها لكننا نحاول ما زلنا نحاول وسنظل نحاول
ويدنا ممدودة لكل صاحب فكر لكل صاحب راي
نعرض مختلف القضايا نتفق او نختلف عليها
المهم ان نتحاور ونجتمع

كل سنة وانتم جميعا بخير
وان شاء الله العام القادم تكون اسرتنا زادت اكتر واكتر

سندباد الشرق كتب:بالنسبة للانتخابات اقترح ان لا يتم انتخاب شخص واحد لادارة المنتدي انما يتم انتخاب عدة اشخاص مجتمعين 4 او 5 افراد حتي لا تكون الادارة ذات طابع فردي انما جماعي
ارشح الاسماء التالية عادل نهر مارك مرمر لاف مصري هدي عمرو يسرا

صابر كتب:كل سنة والمنتدي بخير وتقدم ونشوفة في الصدارة دايما
وكل الاعضاء بخير وطيبين
ونحتفل كل سنة احتفال اكبر واكبر
حكاية الانتخابات دي لو تمت يبقي علي حسب علمي المرة الاولي في عاليم المنتديات اللي بيتم فيها انتخاب الادارة من قبل الاعضاء ودا يبقي سبق للمنتدي
انا موافق علي المبدء ومن راي سندباد انها تكون ادارة جماعية وارشح كل من السادة والسيدات
عادل _نهر العطاء _ مصري_ لاف فور ايفر _ مارك 71
وفي مجموعة تانية اكتر من ممتازة لكنهم للاسف بقالهم مدة مدخلوش وبستمتع جدا بمواضيعهم وردودهم
ابو خالد _زهرة البنفسج _ مي _ الجبرتي _ وليد _ وغيرهم

love for ever كتب:انتوا قلبتوها جد ياجماعه ده هزار عشان عادل طنشنا بس
الاداره ذي الفل الاستاذ عادل شخص رائع ولولا هو ماكناش اشتركنا في المنتدى أصلا
وكمان الاستاذ مروان
انا بدخل مخصوص عشانهم ومناقشاتهم
هما الاهل بالأداره

الساحر كتب:كل سنة وانتم طيبين والسنة الجاية نكون قد الف ولا الفين واحد كدا
وفكرة الانتخابات حتي لو كانت هزار فهي فكرة هايلة وبايدها تماما
اهي كانت هزار وشكلها هتقلب بجد يلا كلنا نصوت علي اعضاء فريق الادارة
ومع سندباد انها تبقي جماعية بس العدد يبقي بعدد الاقسام الرئسية يعني لكل قسم رائسي يبقي مشرف عام و2 او 3 مشرفي عموم لكل المنتدي يعني تقريبا نفس النظام المطق حاليا لكن بالانتخاب يعني كل عضو ينتخب من يراة يصلح للاشراف العام علي قسم معين ومن يراة يصلح ليكون من مشرفي عموم المنتدي
يلا نبتدي وتبقي دي فعلا اول ادارة منتخبة علي مستوي المنتديات

marmar كتب:الظاهر ان الهزار قلب بجد وزانا كمان كنت بتكلم علي انة هزار
لكن لو هتتلقب جد يبقي خير وبركة ويبقي سبق للمنتدي ان تكون ادارتة منتخبة انتخاب حر ومباشر مش بالاختيار ولا بالتعيين
لان الاشراف والادارة اساسا امر تكليف وليس تشريف
معاكم في انها تبقي انتخابات
لكن اعتقد الحرج هيمنع ناس كتير انها ترشح نفسها فاضل حل ان الاعضاء يرشحوا من يروا مناسبا
وكمان لازم نستني عادل ونهر لما يرجعوا علشان نتفق علي اسلوب الترشيح والاختيار واسلوب فرز الاصوت والمسائل الفنية دي

ابراهيم علي كتب:رغم اني عضو جديد ودي تالت مشاركة بكتبها في المنتدي لكني اعتقد اني متابع جيد للمنتدي ومواضيعة وردودة واعضاءة من فترة ليست بالقصيرة
اهنئكم اولا جميعا علي ما تقدمونة من جهد في المنتدي
اهنيكم علي المنتدي واهني المنتدي بكم
عيد ميلاد اول سعيد وعمر مديد باذن الله

يسرا احمد كتب:كل سنة والمنتدي وانتم واحنا والدنيا كلها بخير

karem كتب:يعني راحت علينا الحفلة والتورتة والجاتوهات
خلاص مفيش مشكلة ناخد حقنا ناشف
كل عضو ياخد الف جنية يجيب بيهم 2 كيلو فاكهة وهو مروح
كل سنةوالمنتدي في تقدم وازدهار والاعضاء دايما متنجمعين علي الخير

love for ever كتب:الف جنيه ده عادل يروح فيها
لو كده انا مش هاقوم غير اما اقبض

Admin كتب:السلام عليكم ورحمة الله وبركاتة
امرت الايام سريعا واكمل المنتدي عامة الاول منذ عام مضي كان المنتدي مجرد فكرة
واليوم اصبح بفضل مجهوداتكم الكريمة والكبيرة اصبح المنتدي كيان وفكر
واذا كنا نحتفل هذة الايام باتمام المنتدي عامة الاول انما نحتل في حقيقة الامر بكم لا بالمنتدي
بكل الاعضاء حتي من لم يشارك فكل الفضل يرجع اليكم
احييكم واشكركم فردا فردا
واعتذر لكم لعدم تمنكي من المشاركة الفاعلة معكم مكتفيا فقط بموسوعة الحديث الشريف وذالك لظروف عملي
هنيئا للمنتدي بكم

adel7rof كتب:كل سنة والمنتدي والاعضاء بخير

رامي كتب:مبروك علينا كلنا

soso كتب:معلش بقي تهنئتي جت متاخرة
كل سنة وانتم طيبين والمنتدي بخير

علاء سعيد كتب:يارب نفضل متجمعين دايما في الخير