معا لغد افضل

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
معا لغد افضل

+4
احمد عرفة
احمد غنيم
نهر العطاء
عادل
8 مشترك

    عنتر وعبلة بعد الجواز (حلقات مسلسلة)

    • مساهمة رقم 1

    عنتر وعبلة بعد الجواز (حلقات مسلسلة) Empty عنتر وعبلة بعد الجواز (حلقات مسلسلة)

    مُساهمة من طرف عادل الخميس 5 يونيو - 11:17

    كلنا عارفين حكاية عنتر وعبلة
    قريناها في كتاب او شفناها في فيلم
    او حتي كحدوتة قبل النوم
    لكن ولا حاجة من دول قالت لنا اذا كان عنتر وعبلة اتجوزو بعض ولا لا
    ولو اتجوزو بعض يا تري اية اللي حصل بعد كدة
    منعرفش
    علشان كدة هنحاول نعرف دلوقتي اية اللي حصل بعد الجواز
    علي فكرة الحلقات دي منقولة
    بس هحاول انقلها بتصرف علشان كلنا نشارك
    وممكن كل واحد يكتب حلقة
    والان الي الحلقة الاولي



    عنتر-يا فتاح يا عليم يا رزاق يا كريم في أيه ع الصبح
    عبلة- قوم شوف أبنك يا أخويا
    - ماله
    - مش عايز يروح المدرس قال أيه لازم ندفع المصاريف
    - قد أيه بقي المصاريف دي
    الواد -15 ناقة حمر و معزيتين كروهات
    - نعم نعم نعم نعم ده أنا أتجوزتك أمك تخليص حق
    الواد - مليش دعوة بقي أتصرفوا أه صحيح المدرسة مطلعة رحلة بالباخرة 15 يوم في بحر الظلمات نروح فيهم باريس ولندن و ميلانو
    عنتر- ميلانو دي قبائل جديدة دي ياد ولا أيه
    الواد - قبائل جديدة أيه بس أي الجهل they are new cities in our world
    عنتر- هه
    - طبعا عشان مروحتوش IG قصدي دي مدن جديدة في العالم
    - ودي بقي مصاريفها كام
    - ناقة بمبي مسخسخ
    - يا بني النوق البمبي المسخسخ مش موجودة غير عند ملك الفرس
    - معرفش بقي أتصرف أنت مش قلتلي يا بني أنا بشتغل عشان أعيش في مستواك إحسن من اللي عشت أنا فيه . مليش دعوة أتصرف
    - عنتر - ما تقولي حاجة يا وليه بدل ما أنتي قاعدة
    عبلة - يعني أعمل أيه يعني كان لازم يعني تدخلة مدرسة لغات . أشرب بقي يا حلو... مزمز ميرندا
    -عنترة أيه ميرندا دي كمان
    - ما تأخدش في بالك
    طيب يبقي المطلوب كله 15 ناقة حمر وناقة بمبي مسخسخ و معزيتين كروهات ...

    خرج عنترة من خيمته .. مرددا أنا كان مالي ومال الجواز ما أنا كنت قاعد سلطان زماني
    كان لازم يعني يا أمي تنزلي زن عليا أتجوز أتجوز أديني أتهببت
    أمتطي حصانه الأسود 69572 ملاكي عبس وتوجه نحو الشرق إلي ملك الفرس مردداً
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    وأخذ يبتعدا رويداً رويداً


    ......
    .......... يا تري حيحصل أيه بين عنتر وملك الفرس .. موعدنا الحلقة الجاية وتصبحوا علي خير

    يتبع
    • الرجوع الى أعلى الصفحة
    • مساهمة رقم 2

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف نهر العطاء السبت 14 يونيو - 10:32

    انت جوزتهم كمان
    الف مبروك
    علي الله يتهدوا شوية
    وبعدين اية حكاية النوق البمي
    اللي اعرفة ان النوق فحلقي مش بمبي
    • الرجوع الى أعلى الصفحة
    احمد غنيم
    احمد غنيم
    احمد غنيم
    عضو مجتهد
    عضو مجتهد


    عدد المساهمات : 211
    رقم العضوية : 35
    تاريخ التسجيل : 05/07/2008
    نقاط التميز : 217
    معدل تقييم الاداء : 6
    • مساهمة رقم 3

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف احمد غنيم الأحد 6 يوليو - 13:13

    هههههههههههههههههههههههههه
    حلوة حكاية ان عنتر وعبلة اتجوزا
    الف مبروك
    خلينا نشوف الباقي متتاخرش علينا
    • الرجوع الى أعلى الصفحة
    احمد عرفة
    احمد عرفة
    احمد عرفة
    عضو فعال
    عضو فعال


    عدد المساهمات : 345
    رقم العضوية : 36
    تاريخ التسجيل : 08/07/2008
    نقاط التميز : 663
    معدل تقييم الاداء : 18
    • مساهمة رقم 4

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف احمد عرفة السبت 2 أغسطس - 10:18

    طيب اتجوزوا وعرفناها فين باقي الحلقات ؟؟؟
    وبعدين اية حكاية النوق البمبي ومسخسخ كمان
    الا هو يعني اية مسخسخ
    لاني انا مسخسخ علي روحي من الضحك
    • الرجوع الى أعلى الصفحة
    الساهر
    الساهر
    الساهر
    عضو مجتهد
    عضو مجتهد


    عدد المساهمات : 210
    رقم العضوية : 27
    تاريخ التسجيل : 27/06/2008
    نقاط التميز : 400
    معدل تقييم الاداء : 16
    • مساهمة رقم 5

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف الساهر السبت 9 أغسطس - 17:20

    اية دة عادل اللي كاتب الكلام دة
    مش ممكن دنت فظيع
    بتجيب الافكار دي منين
    دي فكرة عبقرية
    مستنين الباقي يا سيدي
    • الرجوع الى أعلى الصفحة
    mohmad
    avatar
    mohmad
    عضو جديد
    عضو جديد


    عدد المساهمات : 4
    رقم العضوية : 67
    تاريخ التسجيل : 09/08/2008
    نقاط التميز : 6
    معدل تقييم الاداء : 0
    • مساهمة رقم 6

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف mohmad الأحد 10 أغسطس - 2:18

    عنتر وعبلا مين ياعم طيب قول لنا بقى ولادهم كانو مين وهل اتجوذو فعلا ولا لا نرجو المعرفه وشكرا على الموضوع
    • الرجوع الى أعلى الصفحة
    • مساهمة رقم 7

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف عادل الأحد 10 أغسطس - 9:56

    الله يبارك فيكي يا نهر
    عقبال اولادك
    والنوق نوعين كما قال الزمخشري نوع بمبي ونوع فحلقي اتعلمي بقي

    حاضر يا عم احمد يا غنيم بس اخلص الكام موضوع اللي معايا

    بص يا حج احمد عرفة مسخسخ من الفعل سخ سخ وهي كلمة تعني المسخسخ علي روحة
    زيك كدة فهمت ولا اقول تاني

    عمنا الساهر دي حاجة كدة جت علي سهوة في لحظة جنان والباقي قريب ان شاء الله

    حج محمد اهلا بيك بص يا حج احنا هنا في المنتدي مواضعنا جادة جدا لكن في بعض الاحيان بتطلع حاجات كدة شوية جنان علي شوية هزار علشان الناس متزهقش
    طبعا الموضوع كلة خيال في خيال يعني محدش يعرف انهم اتجوزوا فعلا ولا لا
    بص للموضوع علي انة خيال وهزار
    • الرجوع الى أعلى الصفحة
    سندباد الشرق
    سندباد الشرق
    سندباد الشرق
    عضو متميز
    عضو متميز


    عدد المساهمات : 433
    رقم العضوية : 5
    تاريخ التسجيل : 30/05/2008
    نقاط التميز : 758
    معدل تقييم الاداء : 25
    • مساهمة رقم 8

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف سندباد الشرق الإثنين 22 سبتمبر - 13:16

    طيب يا سيدي افادكم الله كمل بقي
    • الرجوع الى أعلى الصفحة
    adel7rof
    avatar
    adel7rof
    عضو فعال
    عضو فعال


    عدد المساهمات : 326
    رقم العضوية : 141
    تاريخ التسجيل : 15/10/2008
    نقاط التميز : 572
    معدل تقييم الاداء : 12
    • مساهمة رقم 9

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف adel7rof الإثنين 19 يناير - 4:25

    انت مش هتبطل عوايدك دي فين الباقي يا حاج
    • الرجوع الى أعلى الصفحة
    • مساهمة رقم 10

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف عادل الأربعاء 11 مارس - 11:24

    من غير ذق ولا ضرب ولا تقطيم هنكمل
    • الرجوع الى أعلى الصفحة
    • مساهمة رقم 11

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف عادل الأربعاء 11 مارس - 11:27

    الحلقة التانية عنتر في بلاد فارس

    توجه عنتر إلي ملك الفرس بعد أن عبر البراري والقفار وأصابه الحر والعفار
    بعد أن دلف (واخد بالك يا سندباد من دلف دي )إلي قصر ملك الفرس و فقابله الملك بالترحاب
    أهلااااااااااااااا يا أبو العناتير
    عنتر- أزيك ياد يا ملك أخبر أبوك وأمك أيه
    -أسكت مش أمي حبت تروح مصر عند قرايبها في المنصورة .بعد ما رجعت
    كان لونها أزرااااااااااق و مبتتكلمش ودايما مسهمة
    - وبعدين
    بس يا عنتر يا أخويا قعدت علي كدة شهرين وأول مان طقت راحت مصوتة
    قلتلها مالك يأمه
    قالتي أسكت يا بني مش أمك كانت هاتموت
    -ليه يا أمه
    -أول ما ركبت القطر من محطة منف رايحة المنصورة لقيتلك القطر راحب مقلوب بينا
    بس الحمد لله ماموتش
    طيب كويس
    كويس أيه ده لما سألتهم لما فوقت أيه اللي حصل .قال أيه في واحد شد الجزرة
    طيب ودي فيها أيه فرضنا أن واحد جعان شاف قدامه أكل مايكلش يعني
    قعدوا يفهوموني طبعا مفهمتش. ركبت البيجو . سلمت علي حبايبي طلبت مايه أشرب
    ألاقيلك الواد جايبلي مياه أول ما شربتها جاللي تسمم عقلي .. أول ما فوقت لقيت الدكتور بيقيس الضغط.. سألتهم ليه قاللي جالك السكر
    سكرا. يا نهار مش فايت.. نسيت أقولك الدكتور برضه أكتشف أن عندي بلهارسيا من إنقلاب القطر في الترعة. أمك أتبهدلت كتير في مصر يا بني. مستحملتش يا عنتر أسبوع راحت مفيصة مننا .يلا الله يرحمها بقي

    عنتر- بس كفاية وأنا اللي جايلك تساعدني لقيتك عايز مساعدة
    الملك - خير يا قمر
    - الواد أبني عايز مصاريف المدرسة 15 ناقة حمرا ومعزتين كروهات وناقة بمبي مسخسخ
    الملك - بس كده قوي قوي خدت شيك اهوة اصرفة وهات اللي نفسك فية(تم التوضيح علشان مخ تايم الضيق)
    - ربنا يخليك يا باشا أما أكلم أم العيال عشان أبشرها.. بالحق معاك رصيد
    - لا والله أصلي مادفعتش الفاتورة فقطعوا الخط
    - أنت أم نبيل ولا جودةفون
    -لأ أم نبيل
    -جودة فون أحسن ..طيب يلا بقي سلام ألحق أروح المزرعة قبل الليل
    - أنت ما نسيتش حاجة ؟
    - حاجة أيه؟
    -وصل الأمانة.
    كدة برضه تأخد علي صاحبك وصل أمانه.
    ده أنا أخد علي أبويا وصل مش صاحبي
    - صحيح يانهيتك ما أنتهيت والطبع فيك غالب. ديل الملك لم ينعدل وإن علقوا فيه قالب
    الملك :أنت حتخطب ..أنجز
    بعد أن مضي عنتر علي الوصل أعطاه الملك شيك بخمسة وعشرين ألف درهم تصرفه من بنك تشيس برجر ..قصدي تشيس منهاتن فرع العتبه

    أمتطي حصانه الأسود 69572 ملاكي عبس برضه وتوجه نحو الغرب نحو مصر مردداً
    حتي أنت يا صاحبي طلعت
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    وأخذ يبتعدا رويداً رويداً

    بوالمرة الجاية يا حلوين نشوف عمل ايه عنتر في بنك العتبة.. يلا تصبحوا علي خير
    • الرجوع الى أعلى الصفحة
    adel7rof
    avatar
    adel7rof
    عضو فعال
    عضو فعال


    عدد المساهمات : 326
    رقم العضوية : 141
    تاريخ التسجيل : 15/10/2008
    نقاط التميز : 572
    معدل تقييم الاداء : 12
    • مساهمة رقم 12

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف adel7rof الإثنين 16 مارس - 11:18

    ايو كدة يا ريس هنشوف عنتر في المحروسة
    ههههههههههههههههههههههههههههههههه
    ربنا يستر علية
    • الرجوع الى أعلى الصفحة
    • مساهمة رقم 13

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف عادل الإثنين 30 مارس - 4:19

    ابسط يا فد الحروف هتشوفة في مصر
    ونكمل ونقول



    الحلقة التالتة

    عنتر في مصر


    وراح عنتر علي مصر وكان فاكر حيخلص قوام قوام . بعد أن وصل راح مشاور لسواق حصان تاكسي وكان الحوار

    - سلام عليكم
    - لخص
    - العتبة
    - مالها
    - مملهاش عايز أروح العتبة
    - بريزتين
    -أزاي يعني
    - يعني عشرين درهم
    - كتير
    - وبعدين بقي
    - خلاص خلاص أنا اللي محتاجك " عنتر بيبرطم: ربنا يهدك"
    بعد أن وصل العتبة أمام البنك
    - أخيراااااااا
    فدخل البنك لقي زحمة رهييييييييبة وقف في الطابور 3 أيام وبعدين جه دوره فقابل الموظف
    - سلام عليكم
    - لخص
    - عايز اصرف الشيك ده
    ناول الشيك للموظف الذي أخذ ينظر لعنتر بقرف
    - شباك سبعة
    - ده أنا واقف بقالي 3
    -قولنا شباك سبعة اللي بعده
    توجه ألي شباك سبعة و الغيظ يكاد أن يفتك به
    قعد برضه 3 أيام وبعد أن وصل للي الموظف قائلاً : عايز أصرف الشيك ده
    - روحه أختمه يا حضرة
    -فين
    -شباك 99 الدور التاسع
    طبعا مفيش أسانسير وخدها كعابي.
    - عاوز أختم الشيك
    - أدفع تسعة درهم
    - فين
    في الخزنة
    فين دي الدور الخامش شباك 55 الي بعدة
    ونزل للخزينة دفع تسعة درهم ورجع
    - كويس راح خاتم الشيك
    - نزل شباااك سبعة وأعطاه الشيك
    - الموظف - الختم ده مش سليم
    - النسر ده شكله أنثي مش ذكر
    عنتر- يا أعم أبوس جذمتك بص أدي راسك أبوسها مشيني أنا ف عرضك بقالي 15 يوم عشان شيك مشيني الله يخليك
    وكاد ان يبكي
    أسف مقدرش أصرفه
    راح مطلع عنتر سيفه- بص أنا مش خارج من هنا يا أهلي يا زمالك قصدي يا قاتل يا مقتول

    الموظف راح دايس علي الجرس اللي تحته اللي موصل علي القسم
    هوباااا 5 دقايق كان هنا وقبضوا علي عنتر
    قدامي ياد
    ده أنا عنتر
    إن شالله تكون فارق حسني ع القسم يعني ع القسم

    نكمل بكرة يا حلوين
    عنتر في قسم العتبة
    • الرجوع الى أعلى الصفحة
    adel7rof
    avatar
    adel7rof
    عضو فعال
    عضو فعال


    عدد المساهمات : 326
    رقم العضوية : 141
    تاريخ التسجيل : 15/10/2008
    نقاط التميز : 572
    معدل تقييم الاداء : 12
    • مساهمة رقم 14

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف adel7rof الإثنين 13 أبريل - 10:33

    هي وصلت للقسم
    متعملش حسابي في الحلقة الجاية
    بس فعلا جميلة يا عادل كمل وبلاش كسل
    • الرجوع الى أعلى الصفحة
    • مساهمة رقم 15

    عنتر وعبلة بعد الجواز (حلقات مسلسلة) Empty رد: عنتر وعبلة بعد الجواز (حلقات مسلسلة)

    مُساهمة من طرف عادل الثلاثاء 19 يناير - 8:13

    عيني يا قد الحروف
    بس القعدة تحلو كدا ونكمل باذن الله
    • الرجوع الى أعلى الصفحة

      الوقت/التاريخ الآن هو السبت 7 سبتمبر - 12:41